Kulturskulen si juleforestilling 2019

Fredag 6. desember heldt Kinn kulturskule avd Florø, konsert i Florø Samfunnshus. Kulturskulen stilte i år med skuleforestilling i fullsatt sal kl 12:00 for 4. - 7. klasse frå Florø barneskole. Kl 18:00 var det åpen kveldsforestilling for alle. Begge forestillingane var godt besøkt.

Om kunstutstillinga

Juleforestillinga starta eigentleg allereie onsdag 27. november med utstilling i Samfunnshusets Foaje. I år var det utstilt heile 150 arbeid med eit stort spekter av teknikkar og motiver i svært høg kvalitet.. Der var kolasj, akryl, fargeblyanter, tusj og datateknikk. Motiva var sommer, jul, stilleben og fantasirike leirefigurar. 

Om scenekunsten

I år var det eit godt variert program. Konferansier på kveldsforestillinga var den nytilsette, 25 år gamle musikklæraren og musikkterapeuten Benjamin Thuen. I programmet var alt frå song, instrumentalsolistar, samspelsorkester og dansegrupper. Firdaposten var tilstades med Arne Hjort Johansen og tok bilder. Firdaposten sin bildeserie kan du sjå her.